Download Bubble Ghost

Þegar maður spilar tölvuleiki þarf maður að hugsa vel um persónuna sem maður spilar af því að ef maður dettur ofan í gildru, verður skotinn eða kafnar/drukknar o.s.frv. þá deyr maður. En ekki í þessum leik, af því að í þessum leik ertu nú þegar dauður! Jamms, í þessum leik spilarðu vingjarnlegan lítinn draug sem þarf bara að hafa áhyggjur af því að loftbólan hans spryngi ekki.

Hugmyndin á bak við leikinn er einföld. Þú þarft að blása loftbólu gegn um eitt herbergi og yfir í það næsta. Þar sem þú ert draugur þá geturðu ferðast út um allan skjá en ef loftbólan þín snertir eitthvað þá springur hún.

Til að hreyfa loftbóluna þarftu að blása á hana (notar ‘space’ til þess). Því lengur sem þú blæst því sterkari verður blásturinn, þannig að loftbólan fer lengra. Stundum þarftu samt að vera nákvæmur þannig að ekki blása of fast. Til þess að hreyfa þig notarðu örvatakkana og Q/W til að snúa þér. Þú getur bara blásið beint frá þér og þú getur ekki snúið þér við þannig að til að blása til hægri þarftu að vera á hvolfi.

Grafíkin í leiknum er fín (þú færð að velja á milli skjástillinga þegar þú keyrir leikinn upp en ég mæli með EGA). Borðin eru vel hönnuð (sum neyða þig til að fórna loftbólu til þess að slökkva á einhverjum hlut), en því miður þarftu að spila leikinn frá upphafi í hvert skipti sem þú byrjar á leik. En þrátt fyrir að leikurinn verði svolítið endurtekningarsamur þá er hann samt kröfuharður og spennandi. Ég get samt ekki sagt neitt gott um hljóðið.

Leikurinn styður tveggja manna spilun og æfingarspilun (sem er alltaf kostur) og þú getur stillt stjórnkerfið í leiknum eftir þínu höfði.

Þegar allt er tekið saman þá líkar mig mjög vel við leikinn, þannig þó svo að hann eigi kannski skilið að fá 3 þá varð ég bara það hrifinn að ég ætla að gefa honum 4 (ég varð bara virkilega ástfanginn af leiknum).